Stefnur

Markmið félagsins er að greiða hluthöfum arð í samræmi við afkomu félagsins. Stefnt er að því að hluthöfum verði greiddur árlega út arður af hlutafjáreign sinni í félaginu. Stefnt skal að því að greiða á bilinu 20-40% af hagnaði eftir skatt. Við mótun tillögu um arðgreiðslu skal litið til fjárhagsstöðu félagsins, fyrirætlana um fjárfestingar og stöðu efnahagsmála. Arðgreiðslustefnan var samþykkt af stjórn þann 2. maí 2024.

Persónuverndarstefna Íslandshótela er byggð á lögum nr. 90/2018 og gerir grein fyrir hvernig söfnun, geymsla og vinnsla persónuupplýsinga er háttað. Íslandshótel hafa einsett sér að tryggja áreiðanleika, trúnað og öryggi persónuupplýsinga sem unnið er með innan félagsins.

Persónuverndarstefna Íslandshótela hf

Starfskjarastefna Íslandshótela hf. er samin í samræmi við 79. gr. a laga um hlutafélög nr. 2/1995 og með hliðsjón af leiðbeiningum um stjórnarhætti fyrirtækja. Markmið starfskjarastefnunnar er að gera starf hjá Íslandshótelum að eftirsóknarverðum kosti fyrir framúrskarandi starfsfólk og tryggja þar með félaginu stöðu í fremstu röð á sínu sviði. Gildandi starfskjarastefna var samþykkt á hluthafafundi þann 23. mars 2023.

Starfskjarastefna Íslandshótela hf

Sjálfbærnistefna félagsins setur fram heildstæða sýn og langtímamarkmið á sviði umhverfis-, félags- og stjórnarhátta (UFS). Hún skapar skýra og samræmda umgjörð um helstu áherslur í sjálfbærnimálum og tryggir yfirsýn yfir stefnu félagsins til framtíðar. Sjálfbærnistefna Íslandshótela styður við skýra stefnu félagsins um að vera leiðandi í íslenskri ferðaþjónustu með því að setja fram metnaðarfull langtímamarkmið á sviði umhverfis-, félags- og stjórnarhátta.

Sjálfbærnistefna Íslandshótela