Hótel Reykjavík Saga

Í hjarta borgarinnar, við Hljómskálagarðinn og í göngufæri frá miðbænum, býður Garðskálinn á Fröken Reykjavík upp á hlýlega og persónulega umgjörð fyrir árshátíðir og fyrirtækjaveislur.

Hér hentar umhverfið sérstaklega vel fyrir minni og meðalstóra hópa sem vilja koma saman í notalegu og fáguðu rými utan daglegs starfsumhverfis.

Rými fyrir samveru

Garðskálinn er bjart og aðgengilegt rými sem hentar jafnt formlegu borðhaldi sem og léttari móttöku. Á sumrin er hægt að opna út í garð og skapa létta og afslappaða stemningu sem styður vel við samveruna.

Rýmið heldur vel utan um hópinn og skapar aðstæður þar sem samtal og samvera fá að njóta sín.

Veitingar undir stjórn Snædísar Xyza Mae Jónsdóttur

Veitingar eru í höndum yfirmatreiðslumeistarans Snædísar Xyza Mae Jónsdóttur, sem keppir fyrir hönd Íslands í hinni virtu Bocuse d’Or kokkakeppni og hefur bæði verið hluti af íslenska kokkalandsliðinu og þjálfað það.

Undir hennar stjórn leggur teymi Fröken Reykjavík áherslu á vandaða matargerð, árstíðabundið hráefni og fallega framsetningu. Í samráði við ykkur er kvöldið mótað í takt við fyrirtækið og tilefnið, með heildarupplifun í fyrirrúmi.

Fagmennska og þægindi

Reynslumikið starfsfólk aðstoðar við skipulag og framkvæmd árshátíðarinnar og tryggir að allt gangi vel fyrir sig. Veislusalur, veitingar og gisting á Hótel Reykjavík Sögu fara saman á einum stað og skapa þægilega og samfellda upplifun fyrir gesti.

Sé þess óskað er hægt að bjóða hópum sérkjör í gistingu, og miðlæg staðsetning hótelsins auðveldar komu og brottför.