Árshátíðir og fyrirtækjaveislur
Árshátíðir og fyrirtækjaveislur sniðnar að þínum þörfum
Árshátíðir og fyrirtækjaveislur hjá Íslandshótelum
Árshátíð er tækifæri til að staldra við, fagna árangri og þakka fyrir samstarfið. Hjá Íslandshótelum bjóðum við upp á fjölbreytta og faglega umgjörð fyrir árshátíðir og fyrirtækjaveislur víðs vegar um landið, bæði á höfuðborgarsvæðinu og á landsbyggðinni.
Hvort sem þið kjósið að halda kvöldið í hjarta borgarinnar eða skapa sérstaka stemningu með ferð út fyrir bæinn, bjóðum við rými og aðstöðu sem henta ólíkum hópum og tilefnum. Frá glæsilegum veislum með hátíðlegu borðhaldi til afslappaðra kvölda í einstöku umhverfi, leggjum við áherslu á að stemning, þjónusta og skipulag falli saman í eina heild.
Hvort sem um er að ræða hefðbundna árshátíð, óformlegt samkvæmi eða vinnuferð sem endar á sameiginlegri kvöldstund, styðjum við ykkur í að móta viðburð sem hæfir fyrirtækinu og markmiðum þess.
Með því að sameina árshátíð og gistingu skapast þægileg og heildstæð lausn fyrir fyrirtæki og hópa. Gestum býðst gisting á hótelinu á sérkjörum og hægt er að taka frá herbergi fyrir hópinn, þannig að skipulag og bókanir gangi greiðlega fyrir sig.
Faglegt teymi okkar fylgir ykkur í gegnum undirbúninginn og tryggir að kvöldið gangi hnökralaust fyrir sig svo þið getið notið samverunnar.